ماہنامہ عبقری - جنوری 2011ء

اگر کوئی شخص نسیان کے مرض میں مبتلا ہواور وہ چیزیں رکھ کر بھول جاتا ہو تو اس مقصد کیلئے باوضو حالت میں چینی کی پلیٹ یا صاف شیشہ پر سورۀ فاتحہ مشک ، زعفران سے لکھ کر عرق گلاب یا پانی سے دھو کر پی لے۔ انشاءاللہ نسیان تھوڑے ہی دنوں میں دور ہوجائے گا۔ بھٹکے شوہر کی واپسی اگر کسی عورت کا خاوند بری عادات کا شکار ہو اور گھر میں ہروقت جھگڑا رہتا ہو تو ایسی صورت میں چاہیے کہ گیارہ مرتبہ سورۀ فاتحہ پڑھ کر پانی پر دم کرے پھر اپنے خاوند کو پلائے۔ انشاءاللہ شوہر نیکی کے راستے پر گامزن ہوجائے گا۔ بیروزگاری کا خاتمہ بے روزگار افراد کیلئے یہ عمل بہت نافع ہے۔ اس مقصد کیلئے سورۀ فاتحہ کا یہ عمل انتہائی مجرب ہے اس کا طریقہ یہ ہے کہ چاند کی چودہ تاریخ میں فجر کی نماز کے بعد جمعہ کے دن سے شروع کرے اور ہر روز بلاناغہ اکتالیس دفعہ سورہ فاتحہ اول وآخر تین تین دفعہ درود پاک پڑھے اسی طرح ہر روز بلاناغہ اکتالیس روز تک پڑھے۔ ہرروز جب سورۀ فاتحہ اکتالیس مرتبہ پڑھ لیا کرے تو درج ذیل دعا پورے خلوص سے پڑھے۔ یَامُفَتِّحُ فَتِّح یَا مُفَرِّحُ فَرِّح یَامُسَبِّبَ الاَسبَابِ یَامُیَسِّرُیَسِّر یَامُسَہِّلُ سَہِّل یَامُنعِمُ وَحَسبُنَا اللّٰہُ وَنَعمَ الوَکِیلُ۔ بے چینی دور کرنے کیلئے بعض اوقات طبیعت بوجھل ہوجاتی ہے اور بے چینی ہونے لگتی ہے اسے ختم کرنے کیلئے نماز فجر کے بعد اول آخر تین تین دفعہ درود شریف پڑھ کر درمیان میں 125 دفعہ سورۀ فاتحہ پڑھے اسی وقت بے چینی کا خاتمہ ہوجائے گا۔ انشاءاللہ پچھلا صفحہ